Inbatad ni Police Major Antonio Marzan Jr., ti pannakangiwat ti Ilocos Norte Police Provinciala Office, a ti aldaw ti biernes ken sabado aglalo iti rabii ti masansan a pannakapasamak dagiti vehicular traffic incidents.
Segun kenkuana, ti makitkita da a rason ket gapu ta isu ti kangrunaan a panagpasyar ti kaadoan nga umili tapno agrelaks kalpasan ti makalawas nga iseserrek da iti trabaho wenno kadagiti pagadalan.
Inlawlawag ni Marzan a maawatan da ti panagkalikagom ti kaadoan nga agrelax, ngem liklikan koma ti aginom ti arak no agmaneho tapno maliklikan ti disgrasya.
Inbalakad na a no adda ti pagturungan ken saan a maliklikan ti aginom ti arak, kasayaatan nga agpasahero laengen iti panagawid aglalo no namnamaen a saanen a kabaelan pay ti agmaneho.
Kabayatanna, inpetteng ni Police Major Marzan a no kayat ti aginom ket aramiden laengen iti uneg ti pagtaengan.












