Kitkitaen iti Persons with Disability Affairs Office (PDAO) ken Public Employment Service Office (PESO) dagiti nagduduma a requirements kadagiti establisimento ditoy siudad ti Laoag tapno makastrek ken makatrabaho dagiti Persons with Disability (PWD).
Segun ken ni Mr. Christoper King Medina, mangidadaulo iti Persons with Disability Affairs Office (PDAO) ditoy suidad, sakbay a makaaplikar dagiti PWD wenno dagiti indibidual nga adda rangkap na ket kasapolan nga ammoen pay laeng dagiti requirements tapno masigurado a saan a ma-reject dagitoy.
Imbatad ni Medina nga ado dagiti PWD nga agap-apply iti Public Employment Service Office (PESO) – Laoag ken isudan ti mismo a mangsarak kadagiti maiyannatop a pagtrabahoan dagitoy.
Nupay kasta, kunana a maysa kadagiti agbalbalin a problema no saanda a maamaon dagiti requirements ket ti pannakabalin da saan a kwalipikado.
Iti agdama, inbatad ni Medina nga am-amoen da dagiti standarize a requirements dagiti establishmento tapno maibaga da a kwalipikado met laeng dagiti PWD nga agtrabaho kadagitoy.
Kabayatanna, naaprobaran iti Sangguniang Panlungsod ti Laoag ti ordinansa nga Access to Better Livelihood and Employment for Persons with Disability (ABLE PWD) a mangpapigsa iti pannakaiturong ti trabaho ken panagbiag dagiti Persons with Disability (PWDs) iti siudad.
