LAOAG CITY – Nakasagana ti Sweden a mangi-deploy ti capital-na ditoy pagilian no mapirmaan ti katulagan ti Pilipinas iti Europian Union Free Trade Agreement (FTA).
Idi laeng Setiembre, inanunsio ti Eropean Union ken ti Pilipinas ti manarimaan a katulaganda iti free trade, no sadinno manamnama ti pinal a panagpinnirma intono sumaruno a tawen kalpasan a nadanonan ti Pilipinas ti upper-middle income status.
Mainaig iti daytoy, ti nasao a katulagan ket manamnama a makaestablisar ti napintas nga imahe iti agarup 60 a Swedish enterprise a manarimaan nga agop-operar iti Philippine market.
Kabayatanna, basar iti kaudian a business climate assessment ti Sweden, agarup 38 a korporasion ti Sweden ti mangkonkonsiderar iti kondision ti local market ti Pilipinas, no sadinno a nakasaganada a sumrek ken mangi-deploy ti capital iti Pilipinas.
