LAOAG CITY – Nagballigi dagiti otoridad a nangarestar iti maysa a lalaki iti Barangay 1, San Lorenzo ditoy ciudad ti Laoag gapu iti kaso na a serious physical injury.
Ti suspek ket agtawen iti 24, awanan ti asawa, awanan trabaho ken residente iti Brgy. 37, Calayab ditoy ciudad ti Laoag.
Naarestar ti suspek babaen ti bileg ti warrant of arrest nga inparuk-at ni Hon. Marty Pajarillo Cachapero, Presiding Judge iti Municipal Trial Court iti ili ti San Nicolas.
Narekomendaran met daytoy ti 6 a ribo a pisos a piyansa na para iti temporaryo a pannakawaya-waya na.
