LAOAG CITY – Posible nga agatendar ni United States President Donald Trump iti maisayangkat a panagpirma ti peace agreement-da ti Iran.
Inbatad ni Trump a saanna nga iwalwalin ti posibilidad ti panagatendar iti panagpirma a maisayangkat idiay Geneva, Switzerland.
Inpettengna a ti memorandum of understanding ket napateg a maysa kadagiti naisangsangayan a dokumento a pirmaan ti maysa a Presidente.
Naammoan a ti sigurado nga agatendar ket ni United States Vice President JD Vance.
Immunan nga ikonkonsiderar ni Iranian Foreign Ministry spokesman Esmaeil Baghaei ti panagatendar dagiti Presidente ti Amerika ken Iran para iti nasao a panagpirma a maiyuswat inton bigat.
