LAOAG CITY – Agpada a nakaiyawid ti medalya ti agkabsat nga isuda Carlos ken Eldrew Yulo iti 13th Men’s Artistic Gymnastics Senior Asian Championships a naisaynagkat idiay Zunyi, China.
Nakagun-od ti balitok a medalya iti floor exercise final ni double-Olympic champion Carlos Yulo idinto a ti kabsatna ket nakaala ti bronze medal kalpasan ti historic podium finish.
Adda ti pakabuklan a 14,700 points ni Carlos idinto a silver medal met ti naiyawid ni Shoma Tsukiyama ti Japan.
Adda met ti 14,300 ni Eldrew nga iti umuna a gundaway iti pakasaritaan ti Philippine gymnastics ket nagkadua ti agkabsat iti maysa a senior-level podium.
Daytoy pay ti umuna a gundaway a nagbinnalubal ti dua iti senior Asian Championship level.
Adda pay ti dua nga event finals ni Carlos ita nga aldaw idinto a ni Eldrew ket addaan pay ti maysa nga apparatus final.
