LAOAG CITY – Nagballaag ni dati a Senate President Franklin Drilon iti gandat a panangilemmeng ti ebidensya iti umas-asidegen nga impeachment trial ni Vice President Sara Duterte a mabalin a mangitunda ti riribok ken political instability iti pagilian.
Iti statement, inbatad ni Drilon a ti “greatest risk” a sangsangwen ti pagilian iti agdama ket ti possible a panagpalyar ti impeachment process kontra ken ni Duterte, kas ti napasamak idi impeachment trial ni dati a Presidente Joseph Estrada.
Linagip ni Drilon nga iti panangusig ken ni Estrada idi 2001, ti senator-judges ket nagbotos ti 11-10 kontra iti panaglukat ti maipagarop a “second envelope” a mapapati a naglaon ti ad-ado nga ebidensya mainaig iti P3.3 bilyon a secret bank account ni Estrada.
Ti immuna nga envelope ket saan nga inlemmeng dagiti senator-judge no sadinno a naglaon dagitoy kadagiti dokumento maipanggep iti secret account iti Equitable-PCI Bank iti babaen ti alyas ni Estrada a Jose Velarde.
Nagtestigo ti senior vice president ti nasao a bangko a nakita na a mismo si Estrada a nagpirma ti account documents.
Ni Drilon ti maysa kadagiti 10 a senator-judges a nagbotos tapno malukatan ti maikadwa nga envelope, ngem inabak ti 11 a nagbotos kontra iti daytoy, rason a nag-walk out ti prosecution team kas protesta.
Nangitunda daytoy ti naruay a rally a nangitunda ti “EDSA 2” ken nangpaikkat ken ni Estrada iti pwesto a sinukatan met idi ni Vice President Gloria Macapagal-Arroyo.
