LAOAG CITY – Inanunsio ni Keir Starmer iti sango ti 10 Downing Street nga inpakaammona ken ni King Charles III nga agikkaten daytoy kas Prime Minister ti United Kingdom ken lider ti Labour Party.
Inbatad ni Starmer nga inawatna ti desision ti parliamentary party a saan a daytoyen nga epektibo a mangidaulo iti Labour Party inton sumaruno nga eleksion.
Ni Starmer a nakagun-od ti landslide victory idi 2024 ket sumangsango iti panagbagsak ti popularidad ti partido ken naiget a pressure manipud kadagiti kakaduana.
Inkeddengna nga inton Hulio 9 kas panangrugi ti panangnominar para iti baro a lider a manamnama a makakumpleto sakbay nga agsubli ti Parliament inton Setiembre.
Iti nagbalin nga emosional a rakurakna, nagyaman isuna iti asawa ken dagiti annakna ken kunana a ti panangidaulo iti pagilian ket isu ti kadakkelan a pammadayaw iti biagna.
Ti panagikkat ni Starmer ket nangilukat ti wagas para ken ni Andy Burnham, dati a Mayor ti Greater Manchester a mangsukat kenkuana.
