LAOAG CITY – Kayat ti International Criminal Court (ICC) Trial Chamber III a personal nga umatendar ni dati a Presidente Rodrigo Duterte iti status conference inton Setimbre 7 mainaig ti sangsangoenna a kaso a crime against humanity.
Iti maikadua a status conference, inbatad ni Presiding Judge Joanna Korner a napalubosan laeng ni Duterte a saan nga umatenar iti panagdengngeg idi Hunio 23 gapu ta apagbiit laeng daytoy no sadinno a nagatendar ti abogadona a ni Peter Haynes.
Kunana a manamnama nga agisubmitir ti panel of experts a mangeksamen kenkuana ti resulta sakbay ti Agosto 18 kabayatan nga Agosto 31 met ti panagisubmitir kadagiti obserbasion dagiti partido iti kaso.
Natalantan met iti panagdengngeg dagiti protocol iti panangiggem ti kumpidensial nga impormasion ken naipalagip kadagiti abogado a saanda nga agited ti komento mainaig iti kaso iti ruar ti korte.
Naikeddeng ti sumaruno nga status conference inton Hulio 14, kageddan iti panagdengngeg inton Setiembre 7, Oktubre 13, ken Nobiembre 2 sakbay a mangrugi ti panangusig inton Nombiemre 30.
