LAOAG CITY – Kwinestionaran ni Vice Mayor Rey Carlos Fariñas ti kiddaw a gatad para iti multi-year contract agreement iti Sports Tourism ditoy siudad ti Laoag.
Ti nasao a resolution ket nasertipikaran kas urgent a kasapulan ti Php2,200,000 para iti proyekto no sadinno a Php6,000,000 ti naiyalokar laeng para iti 2026 budget ket iti nabati a Php14,000,000 a karebbengan a maiyalokar para iti 2027.
Segun iti Vice Mayor a masdaaw isuna gapu ta saanna nga ekspektaren iti 2026 ti Php6,000,000 gapu ta maipagarup nga awan met ti inaprubaran ti konseho ditoy siudad.
Kunana a dakkel ti gatad a kidkiddawenda isu a rumbeng laeng a kasapulan nga ipakaamo iti publiko.
Innayonna a saan pay a sigurado a maaprobarn daytoy para iti 2027.
Mainaig iti daytoy, sinungbatan ni Sangguniang Panlungsod Member Conrado Respicio no sadinno a kwinestionaranna no apay ita laeng a saan a nabigbig ti Memorandum of Agreement (MOA) idinto a ti kallabes ket nabigbig met daytoy no sadinno a simmungbat met ti Legal Officer a ni Atty. Joshua Agcaoili a sursurotenda laeng ti linteg.
Iti baet daytoy, nagkiddaw ti Chairman ti Committee on Appropriations a ni Sangguniang Panlungsod Member Donald Nicolas no ituloy da ti pannakatratar no sadinno a nagbinnutos da ken 6 ti immanamong ken 4 ti nag-abstain, a gapu iti daytoy ket naipasa ti makadua a pannakaibasana.
