LAOAG CITY – Maiyimplementaren ti Alikaka Card Ordinance ditoy ciudad ti Laoag.
Segun kenni Konsehal John Michael Fariñas, ti nasao nga ordinansa ket gagem na ti pannakaipaay ti karbengan dagiti LGBTQ+ nga agpili no siasinno iti agdesision kadakuada no dagitoy ket adda ti emergency kas koma no maospital da wenno saan da a kabaelan ti agdesision para iti bagida.
Inlawlawag na a babaen iti daytoy a programa ket respetaren iti lokal a gonierno ditoy ciudad no ania man iti desisyon da iti bagbagida a para met laeng iti pagsayaatan da.
Kunana a babaen ti pannakausar ti ALIKAKA CARD ket mangipaay ti bileg wenno otorodad kadagiti tattao a mapagtalkan iti panangtaripato iti salun-at para kadagiti LGBTQ+.
Innayon na a napateg daytoy nga aramiden dagiti LGBTQ+ ditoy ciudad tapno adda met laeng dagiti katulungan a mapagtalkanda para iti panagdesision iti bagida.
Maipalagip nga ita bulan iti hunio ket maselebraran manen iti International pride month para kadagit LGBTQ+ community.
