LAOAG CITY – Ginutigot ti Philippine National Police dagiti pagadalan a makikoordinar nga umuna kadakuada sakbay a mangipatungpal ti off-campus activities, tapno masigurado ti kinatalged dagiti estudyante.
Inaramid daytoy ti Philippine National Police kalpasan ti napasamak a pammaltog iti Tacloban City a nakatayan ti tallo nga estudyante ken ti pannakalmesti dua ang estudyante ken player iti Ateneo de Manila University kabayatan ti team-building activity da idiay Aurora.
Inlawlawag ni PNP Chief Police Gen. Jose Melencio Nartatez, Jr., a ti naan-anay a koordinasyon ket mangipasigurado ti “proper security assessments, emergency response planning, traffic management” ken kasapulan ti koordinasyon iti rescue ken medical services.
Innayon na naibilinen iti amin a regional offices ken local police stations a mangestablisar ti regular a pannakikoordinar iti Department of Education ken iti Commission on Higher Education.
Immunan a ginutigot ti Philippine National Police dagiti school authorities a papigsaen da ti mental health ken psychosocial support para kadagiti estudyante.
Malaksid iti shooting incident, sumagmamano pay nga stabbing incidents ti nairekord kadagiti pagadalan iti intero a pagilian, a pakaseknan unay dagiti nagannak ken otoridad.
