LAOAG CITY – Posible nga idasar ti House prosecution panel ti sumagmamano a testigo ken saanen a maituloy a matingiting iti sumagmamano nga articles of impeachment no addan ti umdas nga ebidensia tapno mapaneknekan nga adda pagsungbatan ni Vice President Sara Duterte.
Segun ken ni Manila Representative Joel Chua, plano da a rugian ti panaglatag ti kaso iti maipagarup a pangta ni Duterte kontra ken ni Presidente Ferdinand Mrcos Jr., ken kageddan dagiti alegasion a saan nga umno a panagusar ti confidential funds, bribery, ken saan a mailawawag a kinabakanang.
Innayon ni Chua a no makitada a natibkeren ti kaso kalpasan a maidasar dagiti kangrunaan nga ebidensia ken sumagmamano a testigo, mabalin a leppasen da ti presentatasion ken i-waive ti dadduma a testigo wenno articles of impeachment.
