LAOAG CITY – Adda ti nagduduma a klase ti igges iti buksit a mabalin a mangitunda ti sakit kadagiti ubbing ken nataengan.
Iti kinaadu ti sakit a mabalin a maala ti maysa nga ubing iti aglawlaw, maysa kadagiti masansan a malipatan ken saan nga ikankano dagiti nagannak ket ti maaddaan ti igges iti buksit.
Masansan pay a saan nga ikankano dagiti sintomas nga adda ti igges iti buksit dagiti natataengan.
Gapu iti kinabassit dagitoy, arig imposible a maammoan no kasano a makadanon ti igges iti buksit.
Nupay babassit dagitoy, mabalin daytoy a mangitunda ti impeksion ken sakit no sadinno a no saan a maagasan nga insigida ket posible nga agtennag iti komplikasion iti salun-at.
Mainaig iti daytoy, ti pinworms ket isu ti masansan a klase ti igges a makita kadagiti ubbing ngem mabalin met a maaddaan ti kastoy a klase ti igges dagiti natataengan. Awan pay ti 1/2-inch ti kaatiddog daytoy ken mahilig nga agtalinaed iti intestines, ti roundworms ket maala manipud kadagiti taraken nga aso ken pusa iti pagtaengan idinto a ti tapeworms ket atiddog ken flat nga igges a mabalin nga umatiddog ti agingga 20 a kadapan ken posible nga agpaut ti sumagmamano a dekada iti uneg ti bagi ti maysa a tao basar iti Centers for Disease Control and Prevention.
