LAOAG CITY – Umaboten iti 2,645 ti bilang dagiti natay iti nagsaruno a napigsa a gingined a timmama idiay Venezuela idi Hunio 24 basar iti kaudian nga opisial a datos ti gobierno.
Umabot met iti sumurok 12,600 ti nasugatan ken agtultuloy ti search and rescue operations.
Rinibribu latta ti mapukpukaw kalpasan a narpuog ti naruay a pasdek partikular iti probinsia ti La Guaira, amianan ti kabisera ti Caracas.
Nagtalinaed pay laeng ti adu a pamilia kadagiti evacuation center kabayatan nga agtultuloy ti relief ken recovery efforts.
Kabayatanna, agtultuloy ti operasion dagiti rescue team iti namnama nga adda pay ti maisalakan kadagiti narpuog a pasdek kagiddan ti panagsangpet ti tulong manipud kadagiti nagduduma a pagilian tapno suportaran ti panagbangon ti Venezuela.
