LAOAG CITY – Inbatad ti Department of Social Welfare and Development (DSWD) a nagun-od na ti pakasaritaan a kanito iti panangpapigsa ti Pantawid Pamilyang Pilipino Program (4Ps) kalpasan nga inaprubaran ti Department of Budget and Management (DBM) ti napasayaat nga organizational instructure na ken ti 5,703 a plantilla position.
Naamoan iti Department of Social Welfare and Development a ti panangaprubar ti Department of Budget and Management ket maibilang a maysa kadagiti napateg nga institutional reform para iti kangrunaan a programa ti pagilian, ti social protection sipud napagbalin a linteg ti Republic Act 11310, a nang-institutionalize iti Pantawid Pamilyang Pilipino Program idi 2019.
Sakupen ti napasayaat nga organizational instructure ket ti pannakabuwangay ti 4Ps Bureau, ti pannakadutuk ti 4Ps Division iti amin a DSWD Field Office, karaman ti baro a naipatakder iti Negros Island Region (NIR) ken ti panangaprubar kadagiti plantilla positions nga ad-adda a mangpatibker iti panangiwanwan ti programa ken panangipaay ti serbisyo iti intero a pagilian.
Iti babaen ti naaprubaran nga istruktura, nangparnuay daytoy ti 5,627 a plantilla position para iti amin a DSWD Field Office iti pagilian.
Karaman kadagiti bakante a posisyon ket ti 5,172 City ken Municipal Link; 83 Provincial Link; 83 posisyon ti Social Welfare Officer III; 17 Division Chief; 617 Assistant Division Chief, ken nagduduma pay a technical a posisyon, pinansyal, administratibo, ken mangsupsuporta iti programa.
