LAOAG CITY – Ngimmato ti presio ti dandani 6 a porsiento ti presio ti gasolina kalpasan nga inrakurak ni US President Donald Trump a nalpasen ti ceasefire ti US ken Iran a rason ti manamnama a manglapped ti suplay ti petrolio iti Middle East.
Ngimmato ti 5.59 a porsiento iti USD 78.50 ti kada barrel ti international benchmark Brent crude, idintu nga immuli met ti 5.95 a porsiento iti USD 74.60 ti US benchmark West Texas intermediate.
Inbatad ni Trump ti panagleppas ti ceasefire kalpasan ti agsasaruno nga strikes ti US kontra iti Iran tapno ibabawi ti waiver a mangpalpalubos ti panaglako ti Iranian oil iti global markets.
Maipalagip a ti temporario nga US-Iran ceasefire ket naiwayat idi Hunio a naglaonan ti panagsardeng ti panagatake kadagiti commercial shipping ken waiver para iti panaglako ti Iranian oil bayat iti 60-day negotiation period para iti nalawlawa a peace deal-da.
