LAOAG CITY – Inlungalong ni Senior Citizens Party-list Rep. Rodolfo “Ompong” Ordanes tipanangpalawadagiti pribilehio ken benepisio para kadagiti natataengan iti pagilian.
Iti babaen ti House Bill 434 wenno ad-adda nga am-ammo kas “An Act Expanding the Coverage of the Senior Citizen Privileges and Benefits.”
Gagem daytoy a maipangato ti diskuento dagiti senior manipud 5 % tapno agbalin a 15 % a diskuento iti konsumo ti kuryente ken danum.
Indanon daytoy ni Cong. Ordanes iti kaliplippas a National Consultation on Policies for Senior Citizens nga indauloan ni National Commission of Senior Citizens (NCSC) chairperson ken CEO Atty. Ma. Merceditas Gutierrez nga inatendaran dagiti kameng manipud iti senior citizens organization (SCO) federation, Offices for Senior Citizens Affairs (OSCA), local government unit (LGU), civil society organization, development partners ken online participants nationwide.
