LAOAG CITY – Inbatad ti beterana a komedyante a ni AiAi delas Alas a saan nga apektado iti panagkasar manen ti dati nga asawa na a ni Gerald Sibayan nga adda idiay Amerika.
Iti episode ti “Fast Talk With Boy Abunda”, kuna ni AiAi a ninamnama nan daytoy a mapasamak kalpasan a nakisina kenkuana ni Gerald.
Kuna pay ni AiAi a kasapulan ni Gerald ti makikallaysa idiay Amerika tapno agtalinaed iti nadakamat a pagilian.
Nupay kasta, ti laeng kalikagom ni AiAi ket saan koman nga aramiden ti dati nga asawa na ti inaramid na kekuana.
Immunan nga inrakurak ti komedyante a nagpila ti revocation iti green card petition ni Gerald kalpasan a nagsina da.
Maipalagip nga idi Oktubre 2024 ket inwaragawag ni AiAi iti “Fast Talk with Boy Abunda” a nagsina dan ken ni Gerald kalpasan ti 10 a tawen a panagdenna da.
