LAOAG CITY – Kiddaw ti World Health Organization ti kanayonan nga atension mainaig iti manamnama a panagdoble ti kaso ti cancer ti tawen 2050.
Basar iti report ti World Health Organization, minilyon nga indibidual ti sumangsango ti problema ti physical, emotional ken financial gapo iti sakit a cancer no sadinno ket sumurok 26,000 ti matmatay ti kada aldaw gapo iti nadakamata sakit.
Mainaig iti daytoy, maipagarup. million a baro a kaso ken 10 million a matmatay ti kada tawen, nagbalin a maikadua ti cancer kas leading cause of death globally a sarsarunuenna ti cardiovascular disease.
Iti baet daytoy, kidkiddawen ti World Health Organization dagiti addang a makatulong a manglapped ti exposure dagiti inbidual a mabalin a mangitunda ti sakit a cancer.
Inpettengda dagiti addang kas kadagiti expanding vaccination coverage, improved water, sanitation and hygiene (WASH) ken ti infection prevention and control a nangpababa dagiti kaso ti cancer kadagiti napalabas a tawen.
Innayonda pay ti kiddawda ti panagtultuloy ti national cancer control plans dagiti nagduduma a pagilian.
