LAOAG CITY – Pinaneknekan ni Kathryn Bernardo a saan daytoy a masikog babaen ti panangipakitana ti abs-na idi simmango iti publiko para iti baro a dramana.
Arig tinungpa ti kina-sexy ni Kathryn dagiti kontrabida a netizen a mamati iti fake news a maipagarup a masikog ti aktres.
Maipalagip a nagwaras iti online world ti sayangguseng a masikog ni Kath kalpasan ti agarup makabulan a bakasionna iti Bhutan.
Nalidem a mapasamak gapu ta naruay ti naka-lineup nga aramiden ti aktres kalpasan ti serye daytoy kaduana da James Reid ken Maja Salvador.
Magagaran dagiti solid fans ni Kath a mabuya ti “Someone, Someday” gapu ta daytoy ti panagsubli ti aktres iti primetime series kalpasan ti uppat a tawen.
Ti “2 Good 2 Be True” pay ti naudi a serye ti aktres no sadinno a kaduana ti dati a boyfriend-na a ni Daniel Padilla.
