LAOAG CITY – Ammo dagiti nagannak ti agbalin nga itsura ti anakda ket maibasar iti genes dagitoy kas nagannak.
Nupay kasta, malaksid iti daytoy, dagiti taraon para iti masikog ket posible a maaddaan ti epekto iti itsura ti baby.
Masapul a mangan ti masikog ti taraon a baknang iti folic acid a maysa kadagiti kapapatgan a kasapulan ti bagi kabayatan ti panagsikog.
Maala ti folic acid kadagiti vitamin supplements, dark green vegetables kas ti spinach, cereals, lentils ken pasta.
Napateg ti Vitamin C para kadagiti masikog a ti kaalistoan a wagas tapno maala daytoy ket ti taraon dagiti citrus fruits.
Ti pannangan ti niog ke makatulong tapno papigsaen ti bagi dagiti ina. Adu ti vitamins ken minerals-na daytoy a mangpasayaat ti salun-at.
Ti golden milk ket gatas a linaukan ti turmeric wenno laya a napnoan daytoy ti vitamins ken minerals aglalo ti vitamin D a makatulong tapno patibkeren ti tulang dagiti inna ken maladaga.
Masapul pay ti bagi dagiti masikog dagiti nuts kas ti peanuts, almonds, cashew ken pistachio ket baknang ti vitamins, minerals ken iti healthy fats.
