LAOAG CITY – Inlawlawag ti World Health Organization ti kinapateg ti panagbakuna dagiti masikog.
Ti bakuna ket maipapaay iti maysa a tao kas nayon a proteksionna kontra kadagiti sakit.
Basar iti World Health Organization, babaen iti daytoy ket ad-adda a mapapigsa ti natural defense ti bagi kontra iti sumagmamano a klase ti sakit.
Ad-adda a papigsaenna ti immune system ti bagi babaen iti panag-train kadagiti antibodies iti uneg daytoy.
Para kadagiti masikog, nupay kasapulanda ti nayon a proteksion kontra iti sakit, saan nga amin a bakuna ket mabalin a maited kenkuana.
Adda dagiti bakuna nga imbes a makatulong ket mabalin a mangitunda pay ti problema iti salun-at ti maysa a masikog.
Kuna ni ahensia, adda ti dua a klase ti bakuna no sadinno a ti umuna ket naaramid iti killed wenno inactivated viruses idinto a ti maikadua ket naaramid iti weakened wenno pinakapsot a form ti virus wenno germs.
Mainaig iti daytoy, kadagiti nadakamat a dua a klase ti bakuna, ti mairekrekomendar a nasken nga ipaay it masikog ket ti bakuna a naaramid iti inactivated version ti virus a saan a dagiti naaramid iti weakend version ti virus a mabalin a mangitunda pay iti pannakairisgo ti salun-atna.
