LAOAG CITY – Naipatungpal ita nga aldaw, Setiembre 26 ti P60 daily wage increase para kadagiti minimum wage earners iti National Capital Region wenno NCR iti babaen ti Wage Order No. NCR- 28.
Mapatta-patta nga 11 milyon ti inaldaw-aldaw a mangmangged iti Metro Manila ti mabenepisiaran iti kanayonan a sahod.
Kagiddan daytoy, pinalagipan ti Department of Labor and Employment wenno DOLE dagiti employer a suroten ti baro a wage rates iti oras nga agbalin nga epektibo ti pammilin.
Sitatallugod met nga inawat ti Federation of Free Workers wenno FFW ti kanayonan a sahod, ngem impetteng ti grupo a saan daytoy nga umdas tapno sungbatan ti agtultuloy a panagngato ti presio dagiti kangrunaan a magatgatang ken dadduma pay a paggastosan dagiti mangmangged.
Iti babaen ti Wage Order No. NCR-28, nakaipalaon a ngumato ti minimum wage iti NCR, kas paset ti wage adjustment nga inaprobaran ti Regional Tripatite Wages and Productivity Board.
