LAOAG CITY – Inanunsio ti Government Service Insurance System (GSIS) a palawaenna ti benepisio ken financial assistance dagiti government retirees, pakairamanana ti nangato a funeral benefits, napigpigsa a survivorship protections, ken solar energy loans para kadagitoy.
Iti babaen ti Ginhawa for All (GFAL) Grand package para kadagiti pensioners ken surviving spouses, ingato ti Government Service Insurance System (GSIS) ti funeral benefits para kadagiti kuwalipikado a miembro ken pensioners manipud P30,000 agingga P50,000 para iti death claims kalpasan ti Hulio 13, 2026.
Makaala pay dagiti pensioners a naideklarar nga state of calamity ti GSIS Emergency Loan ken makaala pay ti GSIS Solar Energy Loan no sadinno a makabulodda ti agingga P500,000 a mabalin a bayadan ti agingga lima a tawen nga addaan 5% nga annual interests.
