LAOAG CITY – Nakasaganan ni Ukrainian President Volodymyr Zelensky a maaddaan ti trilateral meeting ken ni Russian President Vladimir Putin iti Estados Unidos tapno agngudon ti gubat.
Inbatad na a nakasagana iti aniaman nga oras ken masapol a maaramid a dagus daytoyen.
Nagatendar ni Zelensky iti United Nations General Assembly iti New York no sadinno a nakapulapol na ni US President Donald Trump.
Iti nasao a taripnong ket nagbalin a nabunga no sadinno nga agpada da nga agkalikagom a naan-anayen a malpas ti gubat.
Kiniddaw ni Zelensky ken ni Trump a maipaayan da ti lisensiya tapno makaaramid ti Patriot missiles.
