Nalukatan manen ti maysa a barangay health station iti nasulimek a lugar iti Sitio Dueg, Barangay Maasin, San Clemente, Tarlac tapno maiyasideg ti serbisyo para iti salun-at kadagiti resident residente.
Segun ken ni Department of Health (DOH) Undersecretary Albert Domingo, umabot ti maysa nga oras ti biyahe dagiti residente nga agturong iti kaasitgan a pasilidad para iti salun-at sakbay a nalukatan manen ti health station.
Naamoan nga adda dagiti resettlement area dagiti Aeta iti nasao a sitio.
Mangikabil met ti lokal a gobierno ti San Clemente ti low earth orbit satellite wenno Starlink tapno mangisayangkat ti telemedicine iti lugar.
Ti pasilidad ket dati a COVID-19 isolation facility a naurnus ken na-renovate babaen ti lokal a gobierno tapno mausar manen.
Tumulong met ti Department of Health iti panangipaay kadagiti kagamitan ken materyales para iti pasilidad.
