LAOAG CITY – Manamnama ti panangipaiget ti pannakaisayangkat kadagiti checkpoints ditoy probinsia.
Daytoy ti inpakaamo ti Land Transportation Office ditoy probinsia apaman ti umadanin ti bolan ti Disiembre.
Segun ken ni Mr. Cocoy dela Rosa, ti Land Transportation Office ditoy siudad ti Laoag a ti naiget a pannakaisayangkat dagiti panagbantayda iti kalsada ket maysa a wagas gapu iti umad-ado a motorista a sumsumrek ken rumrumuar ditoy Ilocos Norte.
Inbatadna a basar kadagiti naglabas a bolan a pannakaisayangkatda kadagiti checkpoints ket ti kangrunaan a naaktuaranda a panaglabsing dagiti driver ti nagduduma a behikulo ket iti saan a pannakarehistro ti lugan ken ti saanda a panagusar ti seatbelt.
Nupay kasta, inpanamnamana ti panang-akomodar ti opisinada kadagiti indibidual ken dagiti matiliwanda a saan pay a nakapagparehistro iti luganda tapnon maliklikanen ti pannakatiliwda.
Kabayatanna, inpakaammona nga addan dagiti supply ti plaka ken ti plastic cards iti opisinada a pakaimprentaan dagiti driver’s license.
Gapu iti daytoy, gutgutigoten ni dela Rosa dagiti saanna pay a naala ti lisensiada ti panagturongda iti opisinada tapno maliklikanen ti pannakatiliwda.
