Pinirmaanen ni Presidente Ferdinand Marcos Jr. ti Executive Order (EO) No. 129 para iti temporaryo a pannakaipangato ti Minimum Access Volume (MAV) iti importasyon ti mais.
Naipalaon iti pammilin a nanayunan ti 280,000 a metriko tonelada ti agdama nga alokasyon tapno umabot iti pakabuklan a 500,000 metric tons.
Naaramid daytoy nga addang tapno masolusyunan ti panagkurkurang ti yellow corn a kangrunan a ramen iti panagaramid ti feeds.
Gagem ti addang a maalay-ayan ti epekto ti nababa nga apit ken pangta dagiti dakes a panawen iti panawen ti agrikultura.
Dakkel ti maitulong daytoy tapno masigurado ti agtultuloy a suplay para kadagiti feed manufacturer ken livestock raisers.
Gapu iti daytoy, namnamaen a maliklikan ti bigla a panagngato ti presyo dagiti taraon dagiti ayop.
Kangrunaan a gagem ti administrasyon a mapagtalinaed ti kinatalged iti merkado ken maprotehiran ti balor ti karne.
