LAOAG CITY – Patien ni Mayor Ed Mar Vincent Bonoan iti ili ti San Nicolas nga agbalin a zero unemployment rate ti probinsia babaen kadagiti maisaysayangkat a Job fair ti probinsia, Lokal a gobierno ken ti Department of Labor and Employment.
Mainaig iti daytoy nagyaman ni Mayor Bonoan kadagiti stakeholders ken employers iti agtultuloy a pannakibinnuligda kadagiti Local Government Units.
Malaksid kadaytoy, nagyaman met ti Mayor ken ni President Ferdinand Marcos Jr. ken inpadanunna ti panang aprisyarna kadagiti programa ti presidente ken kinunana a maipagpannakkelna ti panagbalin nga Ilokano a kas iti presidente.
Kabayatanna, ti naisayangkat a Job Fair iti dakkel a mall iti ili ti San Nicolas ket paet pay laeng kadagiti aktibidad ti Presidente Ferdinand Marcos Jr. bayat iti pannakaselebrar ti panagkasangayna. Kabayatanna, ti nasao a Job Fair ket pinasetan dagiti 24 a local employers ken 9 nga overseas.
