LAOAG CITY – Nabigbig kas National Winner iti 51st Gawad Saka Parangal ti Local Government Unit iti intero a pagilian ditoy siudad ti Laoag.
Daytoy ket gapu iti komprehensibo, epektibo, ken naurnos a pannakaimplementar dagiti nagduduma a proyekto ken programa pang-agrikulura iti nasao a siudad.
Gapu iti daytoy, nakagun-od ti 2M pesos ti siudad kas pannakagunguna ken mausar kadagiti nagduduma a programa iti agrikultura.
Ti nasao a balligi ket iti babaen ti panagkikinnammayet ti nagduduma nga ahensia ti gobierno no sadinno nga idadauloan ni Mayor James Bryan Alcid ken ti City Agriculture Office (CHO) nga idadauloan met ni Engr. Sheila Marie Opelac.
