LAOAG CITY – Inreport ti Philippine National Police (PNP) a bimmaba ti 20.6% ti crime rate iti Pilipinas iti napalabas a tallo a bolan sipud naipatungpal ti Safer Cities Initiative.
Segun ken ni PNP Public Information Office chief Col. Allen Rae Co, nupay adda dagiti nagsasaruno ken nagviral a krimen iti kallabes, pinaneknekan ti opisyal nga statistics nga ad-adda a natalged ti pagilian iti agdama no ikompara kadagiti napalabas a bolan.
Manipod Abril 6 agingga iti Hulyo 4, 2026, bimmaba iti 7,883 ti nairekord a focus crimes no ikumpara iti 9,506 a kaso idi immuna a tallo a bolan wenno manipod Enero 6 agingg iti Abril 5 ita a tawen.
Karaman kadagiti nairekord a bimmaba ti kaso na ket iti carnapping, rape, physical injury, robbery, homicide, theft, ken murder.
Inlawlawag ti Philippine National Police a nag ng PNP na ti positibo a trend ket bunga dagiti sumaganad nga addang:
Safer Cities Initiative a gagem na a paigetan ti seguridad kadagiti ciudad; pannakapapigsa ti panagbantay ken presensya dagiti pulis kadagiti komunidad; ngimmato ti 21.74% ti panagtiliw kadagiti manglablabsing kadagit lokal a linteg kas ti panaginom ti arak kadagiti pampubliko a lugar; panagusar ti karaoke kalpasan ti naikeddeng nga oras, pannagna ken panagtalined iti ruwar ti balay a nakauyus ken ti curfew para kadagiti menor de edad.
Segun iti nailian a pulisya, ti pannakaarestar dagiti manglablabsing iti daytoy ket nakatulong tapno malapdan dagiti ad-adda pay a nakaro a krimen sakbay pay a mapasamak.
