LAOAG CITY – Inabatad ni House prosecution legal spokesperson ken private prosecutor Benjamin “Jay” Tolosa Jr.a mabalin a sumango iti contempt ti siasinnoman a saan a sumurot iti subpoena nga iparuk-at ti Senado kas Impeachment Court.
Inpettengna a ti subpoena ket maysa a legal a pammilin ken saan daytoy a simple a kiddaw a mabalin a saan a mabalin nga ikankano dagiti ahensia ti gobierno, bangko ken dadduma pay a makin-iggem kadagiti rekord.
Segun kenkuana adda ti bileg ti Impeachent Court a mangi-isyu ti subpoena ken obligaren dagiti na-isyuan nga isubmitir dagiti kidkiddawenda kenkuada nga ebidensia.
Mainaig iti daytoy, karaman kadagiti kiddaw ti prosekusion ti pannakaiparuk-at ti subpoena kadagiti bangko, Bureau of Internal Revenue (BIR) ken Anti-Money Laundering Council (AMLC) nga isubmitirda dagiti financial records da Vice President Sara Duterte, asawana a ni Manases Carpio ken dagiti financial interest-da.
Innayonna pay a dagiti dokumento a kidkiddawenda ket adda iti pakainaiganna iti Article II ti impeachment complaint a mangtingtingiting kadagiti alegasion ti saan a nailawlawag a kinabaknangda, saan a panagdeklararna kadagiti sanikua ken ti Statements of Assets, Liabilities and Net Worth-na.
