Naiget a kinondernar ti House Prosecution panel ti pannakaipila ti kaso a libel ken cyberliber kontra iti sumagmamano a journalists ti kampo ti pamilya Duterte.
Impetteng ni House Prosecutor ken Bicol Saro Rep. Terry Ridon, a daytoy ket nalawag a panagatake iti press freedom ken dagiti miembro ti media a nagakem iti responsibilidadda.
Segun ken ni Ridon, dagitoy nga addang ket saan a palubosan ti House Prosecution ken saan nga ipalubos ti Kongreso kangrunaan gapu ta adda dagiti sumagmamano a grupo ti agpanpanday linteg a madanagan iti daytoy.
Impasigurado ni Ridon a tumulong ti House Prosecution Team iti nasao a journalists kangrunaan iti legal nga aspeto ti karit a sangsangoenda.
