Nagkari ni Armed Forces of the Philippines (AFP) chief Gen. Antonio Nafarrete a papigsaenna ti territorial defense capabilities ti military ken iyuswat nga insigida ti modernization program.
Iti panagbitlana iti Camp Aguinaldo diay Quezon City, kunana a napateg a paset ti panagbaliw ti Armed Forces of the Philippines (AFP) ken kasapulan nga ad-adda a matungpal ti comprehensive archipelagic defense concept.
Impaganetgetna a ti kangrunaan a responsibiidad ti Armed Forces of the Philippines (AFP) ket iti panangprotehir iti teritorio, soberania, soveright rights ken national nga interes ti pagilian.
Impettengna a saan laeng panaggatang ti baro nga armas, ramit ken teknolohia ti modernization no diket adda pay trained personnel, nalawag a doktrina, naurnos a organisasion, natibker a pasilidad, mapagtalkan a logistics ken napaut a pannakamantenar ti tunggal kabaelan ti military.
Segun ken ni Nafarrete nga adda kadagiti miembro ti military ti umno a pigsa, pakairamanan dagiti sundalo, airman, sailot, marine, reservist ken civilian employee.
Kunana pay nga isentrona ti modenisasion ti Armed Forces of the Philippines (AFP) ti human capital development.
Impasiguradona iti publiko nga agtalinaed a propesional, disiplinado, non-partisan ken umno ti Kontitusion ti Armed Forces of the Philippines (AFP).
Nagkari ni Nafarrete a salikniban dagiti nagun-od a balligi iti kappia, protektaran ti maritime domain ti pagilian, papigsaen ti aliansa ken panagtitinnulong, ken mangbagon ti moderno, mapagtalkan ken makabael nga armado a puersa.
