LAOAG CITY – Kinumpirmaran ti Defense Ministry ti Japan a nangisayangkat ti Chinese navy ti firing exercises iti uneg ti exclusice economic zone (EEZ) ti Japan idi Hulio 19.
Daytoy ti kaunaan a pasamak a naipakaammo iti publiko ti ministry ti drill nga insayangkat ti Chinese military iti exclusice economic zone (EEZ) ti Japan.
Inrakurak ti ministry a paset laeng ti Russian navy frigate isu ti nangiduron tapno agballaag ken nangisayankatda ti surveillance activities ti Japanese Maritime Self-Defense Force.
Segun ti ministry ken dadduma pay a source, naammoan ti Maritime Self-Defense Force ti tallo a Chinese vessels ken maysa a Russian vessel a dumaldalysat iti amianan a daya a direksion nga addaan ti 229 kilometro abagatan a laud ti remote Tokyo island ti Okinotorishima iti Pasipiko idi Hulio 19, ti oras ti alas-2 ti parbangon.
Mainaig iti daytoy, naammoan a ti tallo a Chinese vessels ket adda maysa a missile destroyer ti naisayangkat ti machine-gun drills iti uneg ti exclusive economic zone (EEZ) ti Japan a makita iti 180 kilometro ti abagatan a laud ti isla.
Kabayatanna, binagaan ti Japanese government babaen ti diplomatic channels a ti drills ket mabalin mangpataud ti peggad kadagili aglaylayag iti asideg a lugar.
Inbatad met ti Chinese navy vessel ti babaen ti radio notification iti iyaasideg lugan sakbay a naiyuswat ti live-fire drills.
Nupay kasta, inrakurak ni Japanese Defense Minister Shinjiro Koizumi a nangisayangkat ti Chinese ken Russian militaries ti live-fire exercises iti exclusive economic zone (EEZ) ti Japan.
Kunana pay adadda a paunegen ti dua a pagilian ti military cooperation-da.
