LAOAG CITY –Nanagipila ti kaso a kriminal ti Bureau of Internal Revenue (BIR) iti Department of Justice (DOJ) kontra iti Sunwest, Inc., pakairamanan dagiti opisial a da President Aderma Angelie Descarga Alcazar ken Treasurer Cesar Zacarias Buenaventura, gapu iti maipagarup P22.71 billion a nagkurangda iti tax manipud 2019 agingga 2024 a naamoan a ti nasao a kompanya ket dati a kukua ni dati a Rep. Zaldy Co.
Basar iti imbestigasion ti Bureau of Internal Revenue (BIR), underdeclaration of funds, saan nga umno a claim kadagiti nagastoda, ken panagusar iti saan a suportado a creditable withholding tax (CWT) credits ti inaramat ti nasao a kumpanya iti Income Tax Returns-da.
Gapu iti daytoy, nangipila ti kaso ti Bureau of Internal Revenue (BIR) iti Sunwest ken kadagiti opisialna babaen ti Sections 254 ken 255 ti National Internal Revenue Code (NIRC).
