LAOAG CITY – Inbatad ni Dr. Melvin Manuel, City Disaster Risk Reduction and Management Officer iti siudad ti Laoag a bayat ti panagbayakabak ti Bagyo Kiyapo ket addan dagiti nairekordda nga evacuees iti siudad.
Segun kenkuana, addan dagiti nagbakwit iti evacuation 1, evacuation 2, Gabu National High School, Plaridel ken iti Shamrock Elementary School.
Gapu iti daytoy, agtultuloy ti panang-monitor-da iti sitwasion ti siudad babaen ti tulong ken pannakibinnulig ti Department of Social Welfare and Development (DSWD), Philippine Coast Guard (PCG), Bureau of Fire Protection (BFP) ken ti Philippine National Police (PNP).
Segun kenkuana, dagiti nadakamat nga evacuees ket agnanaed iti asideg ti coastal areas ken ti riverbanks.
Malaksid iti daytoy, dinakamat pay ni Dr. Manuel ti kondision ti Padsan River a segun kenkuana, agtultuloy ti panangwanwanawanda kadaytoy iti posibilidadna a bigla a panagngato ti lebel ti danumna.
Gapu iti daytoy, agtultuloy ti panangallukoy dagiti opisial kadagiti residente nga adda iti risk areas nga agibakwit
ken impasiguradona a nakasagana ti lokal a gobierno ti panangipaay ti relief goods kadagiti pamilia a nagibakwit
Kabayatanna, ginutigot ni Dr. Manuel dagiti lokal a residente iti siudad ti Laoag nga agtalinaed iti pagtaenganda bayat ti panagbayakabak ti Bagyo Kiyapo ken kitaenda dagti kasasaad dagiti animalesda gapu iti posibilidadna a panagngato ti danum iti Padsan river.
