LAOAG CITY – Naminsan manen a nagbalin a proud ti solid fans ti SB19 iti P-pop Kings gapu ta lumawlawa ti market ti idoloda a grupo.
Mabuya ti padpadaanan a debut performance ti SB19 iti “Lollapalooza” iti Disney+.
Naragsak ti fans da Stell, Pablo, Justin, Josh ken Ken iti sangalubongan gapu ta uray saanda a mapan idiay Chicago ket mabuyada latta ti sibubukel a performances ti global P-pop group.
Ti debut performance ti SB19 ket maysa kadagiti kadakkelan a music fest a mangrugi inton Hulio 30 ken malpas inton Agosto 2.
Makadua ti P-pop Kings iti nasao a festival ti nalatak a alternative-rock band a The Smashing Pumpkins pakairamanan ti dance pop artist a ni Tate McRae ken ti international R&B singer a ni Olivia Dean ken dadduma pay.
Ag-perform ti SB19 iti Lollapalooza Allianz Stage inton Hulio 31 manipud 4:30 ti bigat agingga 5:30 ti bigat, oras ditoy Pilipinas.
