LAOAG CITY – Inanunsio ti Department of Tourism (DOT) ti SB19 kas baro nga Ambassador of Tourism.
Ti maysa a social media post, kinablaawan ti DOT ti P-pop kings a nailadawan pay kas “five Filipino artists bringing our talent, creativity, and culture to the world.”
Nagyaman ti DOT iti SB19 ken dagiti fans ti A’TIN para iti panangitugotda ti Pilipinas iti intero a lubong.
Iti sabali pay a bangir, nag-post met ti SB19 a proud-da a mangirugi iti baro chapter-da.
Ti grupo ti baro a nainayon iti listaan ti DOT kas celebrity ambassadors a kaduada isuda Korean stars Kim Myung Soo, Choi Bo Min, Seo In Guk, Vanessa Hudgens, Michelle Dee, ken BINI.
Kabayatanna, mangaramid ti baro a pakasaritaan ti SB19 iti panag-perform-da kas kaunaan a Filipino group nga ag-perform ti Lollapalooza inton Hulio 30. Inton Agosto met, agturongda idiay Japan para iti Summer Sonic Festival.
