LAOAG CITY – Maragsakan ni Senador Francis “Kiko” Pangilinan iti panangaprubar ti bicameral conference committee iti nailungalong a National Children’s Nutrition Act, a dakkel nga addang tapno matungpal ti naikari a libre a pamigat para kadagiti estudyante.

Napagtipon iti bicameral conference committee  ti Senate Bill No. 2272 ken House Bill No. 9466 a gagem na a sukatan ti Republic Act No. 11037 wenno ti Masustansyang Pagkain para sa Batang Pilipino Act.

Iti babaen daytoy, mabuwangay ti National Children’s Nutrition Program a mangtutok iti life-stage approach tapno solusyunan ti malnutrisyon, panagbisin, kinarigat ti panagbiag ken krisis iti edukasyon.

Inpetteng ti senador a saan laeng nga iti isyu ti salun-at ti  malnutrisyon no di ket uray iti edukasyon ken patas nga oportunidad.