LAOAG CITY – Kinatawaan dagiti netizens ti naipakita a Facebook post ti Bureau of Jail Management and Penology (BJMP) Baguio City Jail Female Dormitory, mainaig iti maysa a turista a nagdamag no adda pay bakante a unit-da.
Iti caption ti Bureau of Jail Management and Penology (BJMP) Baguio City Jail Female Dormitory iti post-da ket “WEEKEND PLANS SECURED” nga addaan ti agkatkatawa nga emoji bayat ti maysa a pammalagip a saan a hotel dagiti jail facilities ti BJMP.
Kabayatanna, impasigurado met ti ahensia ti agtultuloy pannakaipatungpal ti kinatalged dagiti Persons Deprived of Liberty iti uneg ti pagbalundanda.
Mainaig iti daytoy iti maysa nga anunsio idi napalabas a tawen ket addaan ti Bureau of Jail Management and Penology (BJMP) Baguio City Jail Female Dormitory ti 59 a nakabalud.
