LAOAG CITY – Inpasigurado ni United States President Donald Trump nga agibalesda iti Iran kalpasan ti naiwayat a panagraot iti US bases idiay Jordan.
Ti nasao a panagpangta ket kalpasan ti agtultuloy a rinnupak iti baet nga adda ti mailunglungalong a peace negotiations.
Maipalagip nga inanunsio ti Saudi Arabia ti strike iti militant bases idiay Iraq idinto nga inakusaran met ti Israel ti Hezbollah a naglabsing iti negosasion.
Naammoan nga iti dua a napalabas nga aldaw ket inpakaammo ti Saudi Arabia ti drone attack manipud iti Iraq a ti target ket ti crude facilities-da.
