LAOAG CITY – Nagsubli ni Rahlir Hollis-Jefferson iti TNT Tropang 5G kalpasan a naala daytoy tapno papigsaen ti koponan iti PBA Season 50 Governor’s Cup.
Ni Rahlir ket kabsat ti resident import ti TNT a ni Rondae Hollis-Jefferson a manarimaan nga agpapaimbag gapu iti achilles injury-na.
Sukatan ni Rahlir ti import player a ni Darius Days a nakapuntos ti 10 ken 4 a rebound iti maudi nga ay-ayamna para iti TNT idi Hulio 28.
Maipalagip a ti maudi nga ay-ayam ni Rahlir para iti TNT ket idi 2023-24 Commissioner’s Cup no sadinno sinukatanna ti kabsatna a na-injury.
Manamnama a makipaset iti Tropang 5G ni Rondae inton Oktubre no sadinno ti pannakaituloy ti Governor’s Cup kalpasan a naitantan daytoy para iti FIBA World Cup Asian Qualifiers ken 20th Asian Games.
Kabayatanna, manamnama nga inton Sabado, Agosto 1 ti umuna nga ay-ayam ni Rahlir no sadinno makalaban ti TNT kontra iti San Miguel Beermen iti Mall of Asia Area.
