LAOAG CITY – Ipasango ti House Prosecution Panel iti agtultuloy nga impeachment trial inton Lunes, Agosto 3 ti tallo pay a testigo.
Inbatad ni House Prosecutor Rep. Joel Chua a dua ket manipud iti Commission on Audit a mangirakurak ti maipagarup a pakabuklan ti panagusar ti confidential funds ti Bise Presidente ken no nasurot kadi ti Joint Circular idinto a ti maysa ket manipud iti Department of Education.
Inlawlawagna a saan a kasapulan a dakamaten no sadinno ti nakaikabilan ti tunggal gatad a ginastos manipud iti confidential funds no mapaneknekan a naikabil daytoy iti saan nga otorisado nga agiggem ti nasao a pundo.
Kabayatanna, ipasango laeng ti prosekusion dagiti testigo ken ebidensia idinto nga adda iti depensa met ti pammaneknek iti biang ti Bise Presidente.
