LAOAG CITY – Kinontra ti defense team ti pannakamarka ti paset ti affidavit ti self-confessed Davao Death Squad hitman Arturo Lascañas.
Sakbay a nagngudo ti maika-12 nga aldaw ti impeachment trial, nadakamat ti maiyuswat a conference ita nga aldaw iti alas-4 ti malem para iti pannakaiyakar dagiti exhibit markings a pakairamanan ti kiddaw a pannakamarka paset ti affidavit ti DDS hitman.
Inpetteng ni Atty. ni Sheila Sison, lead defense counsel, a kontraenda dagiti marka ti affidavit ni Lascañas gapu ta agingga ita ket awan pay saksi a mangpaneknek iti nadakamat nga affidavit.
Inyunay-unay ni Sison a saan a notarized ti nasao nga affidavit ken saan a pinirmaan ti siasinnoman, ken saan met a nailasin competent witness.
Innayon ni Sison nga agtultuloy ti pangngeddeng ti korte idi kinontrada ti panagbasa ni NBI Director Melvin Matibag iti affidavit ni Lascañas idi nagtestigo ken in-cross-examine ni Atty. Mark Vinluan ti defense team gapu iti Article 4 wenno pangta ni VP Duterte iti biag ni Presidente Bongbong Marcos ken ti pamiliana.
