LAOAG CITY – Ginutigot ni Senate President Win Gatchalian ti Department of Transportation (DOTr) a maaddaanda ti nalawag nga strategic roadmap iti pannakaipatungpal ti Public Utility Vehicle Modernization Program (PUVMP).
Iti panagdengngeg ti Senado iti rakurak a 2027 budget ti Department of Transportation (DOTr) ken kadagiti attached agencies-na, segun ken ni Gatchalian, madanagan daytoy iti nabayag a pannakaikumpleto ti route rationalization studies a narugian pay laeng idi naudi nga administrasion ngem saan pay a nagleppas agingga ita nga aldaw.
Mainaig iti daytoy, inbatad ni Gatchalian ti panangiyunada kadagiti highly urbanized areas a lugar a naruay nga agkasapulan ti transportasion ken masansan makapaspasar ti nakaro a traffic congestion.
Kabayatanna, iti agdama, addaan pay ti P891 million nga equity subsidies a saan pay a naibunong.
Iti baet daytoy, immunamong met ni Transportation Secretary Giovannie Lopez ken ni Gatchalian a kinunana nga adadda a marigatan dagiti operator ken driver a bayadan dagiti amortization-da gapu iti agtultuloy a panagngato ti presyo ti produkto ti petrolyo.
