LAOAG CITY – Sinubbotan ti China ti insayangkat a panangpataw ti sanctions ti Estados Unidos kadagiti produktoda.
Inanunsio ti Chinese Ministry of Commerce a patawanda ti sanctions ti dadduma a produkto ti Estados Unidos pakairamanan ti biotech ken resource analytics firms.
Mairaman pay iti paigeten ket dagiti export controls kadagiti drones ken dadduma a paset ti teknolohia.
Umabot iti innem a kompania manipud iti Estados Unidos ti innayon ti China iti countermeasures list-da kas subbot iti Estados Unidos.
Maipalagip nga immuna nga inpawil ti Estados Unidos a makastrek iti pagilianda ti 43 a Chinese companies gapu iti alegasion ti human rights abuse iti UyGhur ken dadduma a minority groups.
Kabayatanna, ti nasao nga addang ket naipatungpal daytoy ti maysa bulan sakbay ti naikeddeng a panagbisita ni Chinese President Xi Jinping iti Estados Unidos iti sumaruno a bulan no sadinno masangona ni United States President Donald Trump.
