LAOAG CITY – Inrakurak ni Palace Press Officer Usec. Claire Castro nga adda ti maipagarup a Duterte supporters nga agbaybayad ti dakkel a gatad tapno agaramid ti ar-aramid laeng nga istoria kontra ken ni Presidente Ferdinand Marcos Jr.
Inbatad ni Castro nga adda dagiti mamati a paset daytoy ti maipagarup a destabilisasyon a maikonkonektar ken ni Mike Defensor ken sumagmamano pay a personalidad.
Inlawlawagna nga agsarsarita laeng isuna kas pannakangiwat ti Presidente ken saan a maipanggep kadagiti alegasion kontra iti dadduma a tao.
Nagpanawagan daytoy iti publiko a saan nga agpaallilaw kadagiti kastoy a plano gapu ta mabalin a mairaman dagiti inosente a tao.
Kunana nga addan iti Office of the Ombudsman ti banag maipapan iti imbestigasion iti Maleta Boys ken kadagiti nagan a maikonkonektar iti kaso pakairamanan ni dati nga Speaker Martin Romualdez.
Innayon ni Castro a ti panag-hire dagiti indibidual tapno perdien ni Presidente Marcos ket paset ti maysa a destabilization plot.
