LAOAG CITY – Nagun-od ti Alas Pilipinas girls ti pakasaritaan iti maikadua a balligi iti 2026 FIVB Volleyball Girls U17 World Championship kalpasan nga inabakna ti Tunisia iti score a 27-25, 25-19, 25-16 idiay San Felipe, Chile.
Naammoan a dagiti agtutubo a national player ket nagsaruno a nangabak iti world stage a nangipaay ti best campaign iti volleyball world championship kas ti rekordda a 2-1 iti Pool B a nangipangato ti tsansa a mapan iti sumaruno a round.
Nadominar ti Alas girls ti maudi a dua a set tapno maituloy ti pakasaritaan a taray kalpasan iti balligi a pannakangabakda kontra ti Mexico idi Agosto 8.
Kabayatanna, aginana ti Alas girls inton Lunes, Agosto 10 sakbay agsubli inton Martes, Agosto 11 no sadinno sangoenda ti Peru.
